نهێنیی‌ ره‌نگی‌ كه‌ری وه‌حشی

رادیۆی‌ بی بی سی له‌لێكۆڵینه‌وه‌یه‌كدا نهێًنی‌ بوونی‌ خه‌تی‌ ره‌ش و سپی له‌كه‌ری وه‌حشیدا ئاشكرا كرد كه‌ ماوه‌ی‌ سه‌دان ساڵه‌ زانایان له‌هه‌وڵی‌ ئه‌وه‌دان بوون ئه‌و نهێنیه‌ بدۆزنه‌وه‌.

ئه‌و لێكۆڵینه‌وه‌یه‌ كه‌ زانایانی‌ مه‌جه‌ڕو سوید ئاشكرایان كردووه‌ ده‌ڵێت، نهێنی‌ خه‌ته‌ ره‌وش سپیه‌كانی‌ ئه‌و كه‌ره‌ وه‌حشیانه‌ له‌وه‌دایه‌ كه‌ دووریان ده‌خاته‌وه‌ له‌ مێشی‌ خوێن مژ، به‌جۆرێك ئه‌و جۆره‌ مێشه‌ خوێن مژانه‌ زۆر رقیان له‌ ره‌نگی‌ كه‌ره‌ وه‌حشیه‌كانه‌.

شيروانه

دۆزینەوەیەکی نوێ لەبواری شێرپەنجەدا

لە ھەوڵێک دا بۆ بەھێزکردنی سیستمی بەرگری لەش دژی نەخۆشی و ڤایرۆس، زانایانی بریتانیا جۆرێک شریتی ڤیدۆییان پەرەپێداوە کە لەڕێی ئەو شریتەوە بەئاسانی ئەو خانەنانەی ناو لاشەی مرۆڤ دەبینرێت کە خانە شێرپەنجەییەکان دەکوژێت و بەخانەکانی “تی” ناسراوە.
لەو توێژینەوەیەدا تواناو کاریگەری خانەکانی “تی” خراوەتەڕوو لە لەناوبردنی خانە شێرپەنجەیەکان و بەھێزکردنی سیستمی بەرگری خۆیی لەناو جەستەی مرۆڤ داو یارمەتیدانی ئەو سیستەمە لە زاڵبوون بەسەر نەخۆشی دا.
زانایانی بریتانیا ئاماژە بۆ ئەوە دەکەن کە خانەکانی “تی “وەک بەشێک لە سیستمی بەرگری لەش لەناو خوێن دا ھەیە کە یارمەتی سیستمی بەرگری لەش دەدات لە ڕوبەڕوبوونەوەی نەخۆشی و شێرپەنجەدا.
لەبارەی ئەو توێژینەوەیەوە پرۆفیسۆرێکی بەشدار لە توێژینەوەکە دەڵێت: “خانەکانی تی کە لەناو خوێنی مرۆڤ دا ھەیە پاسەوانی جەستەی مرۆڤ دەکات لە خانە شێرپەنجەییەکان، خانەکانی تی بەردەوام لە جوڵەدایە بەدوای ھەر خانەیەکی زیان بەخش دا دەگەڕێت کە زیان بەتەندروستی مرۆڤ دەگەیەنێت بۆ ئەوەی بیکوژێت”.
لەگەڵ ئەوەی خانەکانی “تی” قەبارەیان زۆر بچوکە، بەڵام لە ڕاستی دا زۆر کاریگەرن لە پارێزگاری کردن لە تەندروستی مرۆڤ دا. بەڵام ھەندێکجار بەکاریگەری ھۆکارە جینیەکان وەک پێویست کار ناکات و ڕوبەڕووی نەخۆشی دەبێتەوە لەو حاڵەتەدا ئەو ئەرکە نابینێت کە خۆی لە بنەڕەت دا ھەیەتی کە پارێزگاری کردنە لە سیستمی بەرگری لەش بەڵکو خۆی ھێرش دەکاتە سەر خانە تەندروستەکان و لەناویان دەبات.

kurdsat tv

که‌نه‌دا.. پارکێک بۆ رزگاربوون له‌ فشاره‌ ده‌روونییه‌کان دروستده‌کرێت

بۆ دوورکەوتنەوە لە جەنجاڵی ژیانی ڕۆژانەو ڕەواندنەوەی ماندوێتی‌و فشارە دەرونییەکان کە بەھۆی کارکردن‌و شێوازی ژیان لە شارە گەورەکان دا دووچاری مرۆڤ دەبێت، لە ناوچەیەکی شاری تۆرینتۆی کەنەدا پارکێک دروستکراوە، کە لە دروستکردنی دا سوود لە سروشتی ئەو شوێنە وەرگیراوە کە پارکەکەی تێدایە، کە ناوچەیەکە دانیشتوانی کەمەو دارستان‌و دەریاچەی تێدایە ئەوانیش وەک بەشێک لەچارەسەری دەروونی بۆ ئەو کەسانەی کە ڕوو لەو پارکە دەکەن.
ئەو شوێنە گەشتیارییە سوود بەو کاسانە دەگەیەنێت کە بەدوای ئاسوودەیی‌و ئارامی ڕۆحی دا دەگەڕێن، بۆیە شێوازی دیزاینکردنی‌و ھەڵبژاردنی شوێنەکەی‌و ئەو کەسانەشی تیایدا کاردەکەن بۆ ھەمان مەبەست تەرخانکراون.
لەو پارکەدا بەشێکی تایبەت بە یۆگا دروستکراوە کە لەلایەن ڕاھێنەری تایبەت بەیۆگاوە سەرپەرشتی دەکرێت بۆ ئەو کەسانەی دەیانەوێت ئەو ڕاھێنانە تاقیبکەنەوە.
یەکێک لەو کەسانەی کە لەناو ھاوینە ھەوارەکەدا یارمەتی گەشتیاران دەدات دەڵێت:” ئێمە لەم ھاوینە ھەوارەدا ئەسپ وەک بەشێک لە چارەسەری سروشتی بەکار دەھێنین بۆ ئەو کەسانەی ئەم جۆرە ئاژەڵەیان خۆشدەوێت چونکە دەرکەوتووە کە زۆر یارمەتی مرۆڤ دەدات بۆ ئەوەی ئەو ڕووداوە ناخۆشانە لەبیر بکات کە لە ڕابردوودا بەسەریدا ھاتووە”.
توێژینەوە پزیشکییەکان ئاماژە بۆ ئەوە دەکەن ساڵانە لە سەرتاسەری جیھان دا سەدان کەس دووچاری گرێ‌و نەخۆشی یە دەروونییەکان دەبنەوە کە بەشێکی زۆری ھۆکارەکانی بۆ ھیلاکی‌و فشاری ژیانی ڕۆژانە دەگەڕێتەوە، بۆیە پسپۆرانی بواری چارەسەری دەروونی ئاماژە بۆ گرنگی پشودان‌و گەڕانەوە بۆ سروشت دەکەن، وەک بەشێک لە ڕێوشوێنەکانی خۆپاراستن‌و لەھەمان کاتیشدا خۆ پارێزی لە نەخۆشی وفشاری دەروونی.

كوردسات tv

پێویستە دەربارەی فریاگوزاریی سەرەتایی زیاتر بزانیت

لە پێناو زیاتر شارەزابوونی بینەرانی کوردسات لە بواری فریاگوزاریی سەرەتایی دا، بەرنامەی “رۆژێکی نوێ” میوانداری د. سۆران محەمەد غەریب – پزیشکی گشتیی کرد. تۆش دەتوانیت دەربارەی فریاگوزاریی سەرەتایی ھەندێک زانیاریی و بنەمای سەرەکی لەو گفتوگۆیەوە ببیستیت کە ھاوکارانمان کاک زانا و لانە خان لەگەڵ دکتۆر سۆران دا سازیانداوە.

kurdsat tv

كليك ليره بكه بؤ فيدؤكه